Հայտարարություն քաղաքացիների հաշվառման վերաբերյալ

11 մարտի, 2020

Հարգելի´ հայրենակիցներ,

Հաշվի առնելով մի շարք երկրներում կորոնավիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ հորդորում ենք դեսպանության հյուպատոսական տիրույթում գտնվող ՀՀ քաղաքացիներին կանգնել հյուպատոսական հաշվառման կամ տրամադրել տեղեկություն իրենց գտնվելու վայրի վերաբերյալ՝ ուղարկելով տվյալները (անուն, ազգանուն, հայրանուն, ծննդյան ամսաթիվ, բնակության վայր /երկիր, մարզ, քաղաք/ և շուրջօրյա հասանելի բջջային հեռախոսահամար) ստորև նշված էլ-փոստի հասցեին։

Հիշեցնում ենք, որ հյուպատոսական հաշվառման կանգնելը կամավոր և անվճար գործընթաց է, որի նպատակն է ՀՀ քաղաքացիների իրավունքների և շահերի պաշտպանությունն ապահովելը, արտակարգ իրավիճակներում հնարավոր աջակցություն ցուցաբերելը, անհրաժեշտ խորհրդատվություն տրամադրելը։

Միաժամանակ տեղեկացնում ենք, որ քաղաքացիներին ռիսկային շփումներից պաշտպանելու անհրաժեշտությունից ելնելով, խնդրում ենք դեսպանության հյուպատոսական բաժին ներկայանալ հեռախոսով կամ էլեկտրոնային փոստի միջոցով արդեն իսկ նշանակված հանդիպումների վերահաստատումից հետո։ Դեսպանությունը նաև հորդորում է քաղաքացիներին հյուպատոսական ընդունելություններին ներկայանալ միայնակ։

Հյուպատոսական հաշվառման ավտոմատացված համակարգի հղումը՝ https://www.mfa.am/hy/consular-registration/

ՀՀ դեսպանության էլեկտրոնային փոստի հասցեները՝ consul.armembnl@mfa.am

Արտակարգ իրավիճակների դեպքում ՀՀ դեսպանության թեժ գիծը +31628136956 (հասանալեի է նաև WhatsApp հավելվածով)

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր