Հայաստանի դեսպանի նախագահությամբ տեղի ունեցավ Հաագայում ֆրանկոֆոնի դեսպանների առցանց հանդիպումը

18 մայիսի, 2020

Մայիսի 18-ին Հաագայում հավատարմագրված ֆրանկոֆոն դեսպանների խմբի նախագահ դեսպան Տիգրան Բալայանի նախագահությամբ տեղի ունեցավ առցանց հանդիպում Նիդերլանդերի արտաքին առևտրի և զարգացման համագործակցության նախարար Սիխրիդ Կաախի հետ։

Բացելով հանդիպումը դեսպանը Բալայանը նշեց, որ հանդիպումը ծրագրվել էր սովորական ձևաչափով, սակայն առկա պայմաններում որոշում է կայացվեց այն անցկացնել առցանց եղանակով և շնորհակալություն հայտնեց նախարարին հանդիպմանը մասնակցելու և այն Նիդերլանդների ԱԳՆ առցանց հարթակում անցկացնելու համար։

Նախարար Կաախը ֆրանկոֆոն դեսպաններին հանգամանալից ներկայացրեց կորոնավիրուսի համաճարակի դեմ պայքարի նիդերլանդական ռազմավարությունը՝ շեշտելով պանդեմիայի համընդհանուր բնույթը, ինչպես նաև այդ բնագավառում եվրոպական և միջազգային սերտ համագործկացության անհրաժեշտությունը։ Նա առանձնացրեց զարգացող երկրներին շարունակական աջակցության կարևորությունը։ Սիխրիդ Կաախը պատմեց տնտեսական անկմանը դիմակայելուն միտված համակարգային աշխատանքների մասին։

Այնուհետև Ֆրանկոֆոնիայի միջազգային կազմակերպության անդամ, ասոցացված և դիտորդ պետությունների Հաագայում հավատարմագրված դեսպանները նախարարի Կաախի հետ քննարկեցին կորոնավիրուսի դեմ պայքարի միջազգային համագործակցության և տնտեսական ճգնաժամի հաղթահարման նպատակով համատեղ քայլերին առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր