«Հայրենիքի պաշտպանի» վերականգնողական կենտրոնի բժիշկների այցը դեսպանություն

29 սեպտեմբերի, 2021

Սեպտեմբերի 29-ին դեսպանություն այցելեցին «Հայրենիքի պաշտպան» վերականգնողական կենտրոնի բժիշկները, որոնք Նիդերլանդներում են գտնվում վերապատրաստման ծրագրով։ Այցը կազմակերպվել էր հայազգի բժիշկ Գարիկ Խաչատրյանի ջանքերով՝ Հայաստան համահայկական հիմնադրամի աջակցությամբ։
Ներկաներին ուղղված բացման խոսքում դեսպանը շնորհակալություն հայտնեց Գարիկ Խաչատրյանին՝ «Հայրենիքի պաշտպանի» վերականգնողական կենտրոնի հեռանկարային ծրագրերի համար ներդրած հսկայական ջանքերի, ինչպես նաև՝ բժիշկների վերապատրաստման հատուկ ծրագիրը մշակելու և իրականացնելու համար։ Տ. Բալայանը երախտիքի խոսք հայտնեց Հայաստան համահայկական հիմնադրամին և, մասնավորապես, հիմնադրամի Նիդերլանդների մասնաճյուղին՝ ծրագրին ունեցած ակտիվ մասնակցության և ցուցաբերած ֆինանսական լուրջ աջակցության համար։
Հայ բժիշկները ներկայացրին կենտրոնի կողմից իրականացվող աշխատանքները։
Հանդիպման ավարտին քննարկում ծավալվեց ապագա ծրագրերի, ինչպես նաև հետագա համագործակցության հեռանկարների շուրջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր