Դեսպան Տիգրան Բալայանի հանդիպումը Լյուքսեմբուրգի բնության և անտառային գործակալության ղեկավար Ֆրանկ Վոլտերի հետ

09 սեպտեմբերի, 2022

Սեպտեմբերի 9-ին դեսպան Տիգրան Բալայանը հանդիպեց Լյուքսեմբուրգի բնության և անտառային գործակալության ղեկավար Ֆրանկ Վոլտերին։ Վերջինս շնորհանդեսի միջոցով ներկայացրեց Լյուքսեմբուրգում անտառային ծածկույթի, բուսական և կենդանական բազմազանության վերաբերյալ ընդհանրական տեղեկատվություն, ինչպես նաև՝ գործակալության կողմից իրականացվող քաղաքականությունը՝ ուղղված բնության պահպանությանը և անտառների կայուն կառավարմանը։

Դեսպան Տ․ Բալայանը զրուցակցին ներկայացրեց Հայաստանի անտառների և դրանց պահպանման ուղղությամբ կատարվող աշխատանքները` առաջարկելով կարողությունների ավելացման նպատակով համագործակցություն հաստատել։

Հանդիպմանը պայմանավորվածություն ձեռք բերվեց աշխատանքներ տանել` երկու երկրների անտառային գործակալությունների մասնագետների միջև փորձի փոխանակման ծրագրեր իրականացնելու, միմյանց կարիքները գույքագրելու և հնարավեր տեխնիկական աջակցություն ցուցաբերելու շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր