ՀՀ նորանշանակ դեսպանը հանդիպեց Stroomversnelling ընկերության նախագահին

21 նոյեմբերի, 2018

Նոյեմբերի 21-ին Նիդերլանդներում ՀՀ նորանշանակ դեսպան Տիգրան Բալայանը հանդիպեց Stroomversnelling (www.stroomversnelling.nl) ընկերության նախագահ Լին վան Դայկին։

Ողջունելով հյուրին՝ դեսպան Բալայանը նշեց, որ իր համար առանձնակի հաճելի է նոր կարգավիճակում հանդիպել Հայաստանի ու հայ ժողովրդի բարեկամին և նրա հետ քննարկել հայ-նիդերլանդական հարաբերությունների խորացման ծրագրերը։

Լին վան Դայկը շեշտեց, որ տասնամյակներ շարունակ հանդիսանալով Հայաստանի բարեկամը ինքը պատրաստ է աջակցել նոր Հայաստանի զարգացմանն ու բարգավաճմանը։։

Հանդիպման ընթացքում դեսպան Բալայանը ներկայացրեց հայ-հոլանդական տնտեսական կապերի աշխուժացման ուղղությամբ նախաձեռնությունները և հայցեց Լին վան Դայկի աջակցությունն դրանց իրականացման գործում։

Զրույցի ընթացքում անդրադարձ արվեց Stroomversnelling ընկերության գործունեության ուղղությունների՝ սոցիալական բնակարանաշինության, գյուղատնտեսության, վերականգնվող էներգետիկայի, ջրային պաշարների կառավարման բնագավառներում Հայաստանի հետ փոխգործակցության հնարավորություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր