Դեսպան Բալայանի մասնակցությունը Ռոտերդամի սրտում Maison d’Armeni հայկական նորաձևության տան երկրորդ սրահի բացմանը

23 նոյեմբերի, 2018

Նոյեմբերի 23-ին Նիդերլանդներում ՀՀ նորանշանակ դեսպան Տիգրան Բալայանը ներկա գտնվեց Ռոտերդամի կենտրոնում «Maison d’Armeni» հայկական նորաձևության տան երկրորդ սրահի բացմանը և նոր հավաքածուի ցուցադրությանը:

Դեսպան Բալայանը շնորհավորեց նորաձևության տան գեղարվեստական տնօրեն և դիզայներ Արմենի Թովմասյանին` նշելով, որ հպարտ է, որ իր հայրենակիցները արմատավորում են Հայաստանի անունը Ռոտերդամի սրտում:

«Maison d’Armeni» հայկական նորաձևության տան նոր հավաքածուի ցուցադրությանը հաջորդեց ընդունելություն, որի ընթացքում տեղի ունեցան շփումներ երեկոյի հրավիրյալների, մասնավորապես`Ռոտերդամի արվեստագետների, նորաձևության աշխարհի ներկայացուցիչների և հայ համայնքի անդամների հետ:

Երեկոյի ընթացքում դեսպան Բալայանը Արմենի և Տիգրան Թովմասյանների հետ քննարկեց Նիդերլանդներում ՀՀ դեսպանության հետ վերջիններիս համագործակցության հեռանկարները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր