Հայաստանի դեսպանի այցելությունը «Հոլանդական հեծանվային դեսպանություն»

28 փետրվարի, 2019

Փետրվարի 28-ին Նիդերլանդներում ՀՀ դեսպան Տիգրան Բալայանը այցելեց «Հոլանդական հեծանվային դեսպանություն» կազմակերպության գրասենյակ, ուր հանդիպում ունեցավ շուրջ 60 ընկերություններ միավորող կառույցի տնօրեն Միրյամ Բորսբոմի, Move Mobility և MobyCon ընկերությունների պատասխանատուների հետ։

Դեսպան Բալայանը հանդիպման մասնակիցներին ներկայացրեց Հայաստանում հեծանվային մշակույթի զարգացման ուղղված քայլերը և կարևորեց հոլանդական փորձի կիրառումը հեծանիվների առավել լայն գործածումը խրախուսելու գործում։ «Մենք ցանկանում ենք օգտագործել Նիդերլանդների փորձը Հայաստանի բնակչությանը ներկայացնելու, որ հեծանիվով երթևեկելը բազմաթիվ դրական կողմեր ունի. Այն առողջարար է, անվնաս է շրջական միջավայրի համար և միջոցներ խնայող է», շեշտեց Հայաստանի դեսպանը։

Հանդիպմանը մասնակցող կազմակերպությունների պատասխանատուները Հայաստանի դեսպանին ներկայացրեցին իրենց գործունեությունը և արտասահմանում հեծանվային մշակույթի ներդրման փորձը՝ պատրաստակամություն հայտնելով համանման ծրագրեր իրականացնել Հայաստանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր