Կոմիտասի 150-ամյակին նվիրված համերգ Ամստերդամում

16 նոյեմբերի, 2019

Նոյեմբերի 16-ին Ամստերդամի Բոմկերկ եկեղեցում տեղի ունեցավ Սուրբ Հոգի հայ առաքելական եկեղեցու հովանու ներքո գործող Հայկական երիտասարդական միության (AJO) կողմից կազմակերպված Կոմիտաս վարդապետի 150-ամյակին նվիրված համերգ՝ բեռլինաբնակ երգիչ և կոմպոզիտոր Masis Arakelian Մասիս Առաքելյանի և դաշնակահարուհի Դետլինդ-Մարիա Ստրոփահլի կատարմամբ։

Միջոցառանմանը ներկա էր Նիդերլանդներում Հայաստանի դեսպան Տիգրան Բալայանը, ով ողջունելով հանդիսատեսներին շնորհակալություն հայտնեց Հայկական երիտասարդական միությանը AJO Amsterdam և կազմակերպության ղեկավար Serge Demirbacak Սերժ Դեմիրբաչակին համերգը կազմակերպելու համար և գոհունակությամբ նշեց, որ Կոմիտասի հոբելյանին նվիրված միջոցառումները բազմազան են և շարունակական, ինչը խորհրդանշանում է այն վերաբերմունքը և գնահատանքը, ոև հայ ժողովուրդ ունի իր ականավոր զավակի հանդեպ։ «Աշխարհի տարբեր անկյուններում Կոմիտաս վարդապետին նվիրված համերգները, ցուցահանդեսները և համաժողովները վկայում են այն ակնածանքի մասին, որ մենք տածում ենք մեր մեծ հայրենակցի ու նրա ժառանգության հանդեպ և մարմնավորում են մեր միասնականությունը», ասաց Տիգրան Բալայանը։

Անդրանդառնալով օրեր առաջ Երևանում ռեզիդենտ դեսպանություն հիմնելու վերաբերյալ Նիդերլանդների խորհրդարանի նախաձեռնությանը, դեսպան Բալայանը նշեց, որ դա իրականացված աշախտանքի արդյունքն էր, և հստակ ուղերձ Հայաստանում դրական փոփոխություններին և իշխանությունների կողմից իրականացվող լայնածավալ բարեփոխումներին։

«Սուրբ հոգի» եկեղեցու հոգևոր Հովիվ Տեր Տարոն Թադևոսյանն իր խոսքում կարևորեց նման միջոցառումների անցկացումը հայկական ինքնության պահպանման և համախմբության խթանման տեսանկյունից։
Համերգին Մասիս Առաքելյանը՝ Դետլինդ-Մարիա Ստրոփահլի նվագակցությամբ, հանդես եկավ Կոմիտասի, Սայաթ-նովայի և Շարլ Ազնավուրի հեղինակած երգերի յուրահատուկ կատարումներով։

Մասիս Առաքելյանն իր կատարումները ուղեկցում էր Կոմիտասի կյանքի և գործունեության տարբեր դրվագներին առնչվող պատմություններով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր