Հաագայում Հայաստանի, Հունաստանի և Կիպրոսի առաքելությունների ղեկավարների եռակողմ հանդիպում

27 փետրվարի, 2020

Երևանում նախատեսվող Հայաստան-Կիպրոս-Հունաստան գագաթաժողովին ընդառաջ փետրվարի 27-ին Նիդերլանդներում Հայաստանի դեսպանությունում կայացավ Նիդերլանդներում Հայաստանի դեսպան Տիգրան Բալայանի, Հունաստանի դեսպան Նիկոլաս Պլեքսիդասի և Կիպրոսի գործերի հավատրամատար Գիորգոս Սամուելի եռակողմ հանդիպումը։

Հանդիպման ընթացքում կողմերը, անդրադառնալով նախորդ տարի հունիսին երեք երկրների արտաքին գործերի նախարարների հանդիպմանը, վերահաստատեցին եռակողմ ձևաչափով համագործակցության կարևորությունն ու արդյունավետությունը, ինչպես նաև պայմանավորվածություն ձեռք բերեցին համատեղ նախաձեռնություններով հանդես գալու վերաբերյալ։

Հանդիպմանը մտքեր փոխանակվեցին փոխադարձ հետաքրքրության եռակողմ օրակարգի, ինչպես նաև Նիդերլանդներում և Հաագայում հավատարմագրված միջազգային կազմակերպություններում տեղի ունեցող գործընթացների շուրջ։

Հայաստանի, Հունաստանի և Կիպրոսի առաքելությունների ղեկավարները համաձայնեցին պարբերաբար հանդիպել նման ձևաչափով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր