Դեսպան Բալայանի այցելությունը Royal Flora Holland

11 մարտի, 2020

Մարտի 11-ին դեսպան Տիգրան Բալայանն այցելեց Royal Flora Holland ընկերություն, որը ծաղիկների, բույսերի և տնկիների վաճառքով զբաղվող ամենամեծ աճուրդային կազմակերպությունն է աշխարհում։ Ընկերության կառավարման խորհրդի նախագահ Ժակ Գուսենսի ուղեկցությամբ դեսպանը շրջայց կատարեց ընկերության տարածքով, ծանոթացավ վերջինիս գործունեությանն ու տարվող աշխատանքների ծավալներին, որտեղ 35 աճուրդային ժամացույցների առջև և առցանց ուղիղ գնումների միջոցով ամեն օր կատարվում է շուրջ 100 հազար գործարք։

Ժակ Գուսենսը պատմեց, որ բացի տեղական արտադրանքի համար կենտրոնատեղի ծառայելուց իրենց կազմակերպությունը ներկրում և արտահանում է տարբեր տարածաշրջանների ծաղկեգործական ընկերությունների արտադրանքը աշխարհի բոլոր մայրցամաքներում գտնվող հարյուրից ավել երկրներ։

Դեսպան Բալայանը Ժակ Գուսենսին ներկայացրեց ծաղիկների բարձր պահանջարկը Հայաստանում և ԵԱՏՄ շուկաներում և այդ համատեքստում քննարկվեց Հայաստանի հետ փոխգործակցության հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր