<<Ամրապնդելով կանանց ներգրավումն ու դերը հակամարտությունների կանխարգելման և կարգավորման գործընթացներում - ՄԱԿ ԱԽ 1325 բանաձևի 20-ամյակ>> խորագրով վեբինար - Նիդերլանդների Թագավորությունում ՀՀ դեսպանություն

<<Ամրապնդելով կանանց ներգրավումն ու դերը հակամարտությունների կանխարգելման և կարգավորման գործընթացներում - ՄԱԿ ԱԽ 1325 բանաձևի 20-ամյակ>> խորագրով վեբինար

10 հունիսի, 2020

Նիդերլանդներում ՀՀ դեսպանության երրորդ քարտուղար Քրիստինե Ստեփանյանը հունիսի 10-ին մասնակցեց Նիդերլանդներում Ալբանիայի դեսպանության կողմից կազմակերպված <<Ամրապնդելով կանանց ներգրավումն ու դերը հակամարտությունների կանխարգելման և կարգավորման գործընթացներում - ՄԱԿ ԱԽ 1325 բանաձևի 20-ամյակ>> խորագրով վեբինարին։

Վեբինարի բանախոսներն էին Նիդերլանդներում Ալբանիայի դեսպան Աիդա Սակիքին, Նիդերլանդներում Շվեդիայի դեսպան Աննիկա Մարկովիչը, ԵԱՀԿ Ազգային փոքրամասնությունների հարցերով բարձր հանձնակատար Լամբերտո Զանիերը և Շվեդիայի արտաքին գործերի նախարարության միջազգային իրավունքի հարցերով գլխավոր իրավախորհրդատու, դեսպան Մարի Յակոբսոնը։

Վեբինարի ընթացքում անդրադարձ կատարվեց ԵԱԿՀ անդամ երկրներում կանանց ներգրավման ընդլայնման անհրաժեշտությանը, հակամարտությունների կանխարգելման հարցում համընդգրկուն հասարակությունների ձևավորման կարևորությանը, հակամարտությունների կանխարգելման և կարգավորման բոլոր փուլերում կանանց դերակատարությանը։

Քննարկման համատեքստում Ք․ Ստեփանյանը նշեց, որ Հայաստանը, հանդիսանալով ՄԱԿ Կանանց կարգավիճակի հանձնաժողովի նախագահող և Մարդու իրավունքների խորհրդի անդամ, մշտապես ուշադրության կենտրոնում է պահում կանանց հզորացումը, նրանց համար հավասար հնարավորությունների ստեղծումը քաղաքական, տնտեսական, սոցիալական ոլորտներում: Միաժամանակ, հաշվի առնելով հակամարտությունների ընթացքում կանանց թիրախավորումը, Ք․ Ստեփանյանը խնդրեց բանախոսներին անդրադարձ կատարել համավարակի պայմաններում նրանց անվտանգության ապահովմանն ուղղված միջազգային հանրության ջանքերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր