Էյնդհովենում կբացվի ՀՀ պատվո հյուպատոսի գրասենյակ

16 հուլիսի, 2020

Հուլիսի 16-ին Նիդերլանդներում ՀՀ դեսպանությունում կայացավ Նիդերլանդների Էյնդհովեն քաղաքում ՀՀ պատվավոր հյուպատոս Վիլլի ֆան դե Կերկհոֆի հյուպատոսական արտոնագրի հանձնման արարողությունը, որին մասնակցեցին նաև Ամստերդամում ՀՀ պատվավոր հյուպատոս Ռոբ Զիկը և այլ հյուրեր։

Շնորհարվորելով Վիլի ֆան դե Կերկհոֆին Նիդերլանդներում ՀՀ դեսպան Տիգրան Բալայանը նրան մաղթեց հաջողություններ և կարևորեց պատվավոր հյուպատոսի առաքելությունը Հյուսիսային Բրաբանտ, Լիմբուրգ, Զեելանդ և Խելդերլանդ նահանգներում, ինչպես նաև տեխնոլոգիական և արդյունաբերական հանգույց հանդիսացող Էյնդհովենում և Նիդերլանդների հարավում ՀՀ պատշաճ ներկայացվածության հարցում։ Նա շեշտեց, որ հայտնի ֆուտբոլիստ և հասարակական գործիչ պարոն ֆան դե Կերկհոֆի ընտրությունը որպես պատվավոր հյուպատոս վկայում է ոչ միայն քաղաքական և տնտեսական, այլև մշակութային և սպորտի բնագավառներում փոխգործակցության խորացման մտադրության մասին։

Հանդես գալով շնորհակալական խոսքով Վիլի ֆան դե Կերկհոֆը շեշտեց, որ իր համար մեծ պատիվ է ներկայացնել Հայաստանը Նիդերլանդների հարավային նահանգներում և ինքն ամենայն պատասխանատվությամբ է ստանձնում պատվավոր պաշտոնը և առավելագույն ջանքերը կներդնի հայ-նիդերլանդական համագործակցության խորացման գործում, ով նշեց, որ Էյնդհովեն քաղաքն ու Նիդերլանդների հարավն իր տունն է, և որ այդ տան դռները միշտ բաց կլինեն Հայաստանի համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր