Հայաստանի նվերը Խաղաղության Պալատին

ՀԱՂՊԱՏԻ ԽԱՉՔԱՐԸ

(11-րդ դար)

Ներկայացվող խաչքարի բնօրինակը գտնվում է Հայաստանի ամենանշանավոր միջնադարյան հուշարձանային համալիրներից մեկում՝ «Հաղպատ» վանական համալիրում (10-13-րդ դարեր)։ Վանքը ներառված է ՅՈՒՆԵՍԿՕ-ի համաշխարհային ժառանգության ցանկում։

Խաչքարը հայկական մշակույթին բնորոշ ուղղաձիգ կանգնեցված ուղղանկյուն սալ է, որի արևմտյան երեսը զարդարվում է խաչապատկերով և ուղեկցող զարդամոտիվներով (հայկական խաչքարագործությունը ներառված է ՅՈՒՆԵՍԿՕ-ի ոչ նյութական մշակութային արժեքների ցանկում)։ Խաչքար կանգնեցվել է և այսօր էլ կանգնեցվում է ամենատարբեր հիշարժան առիթներով: Խաչքարային հարյուրավոր արձանագրություններ հավաստում են, որ խաչքարը կարող էր կանգնեցնել ցանկացած հավատացյալ, ցանկացած առիթով, որը չէր հակասում ժամանակի քրիստոնեական պատկերացումներին։ Խաչքարերի ամենամեծ հավաքածուները մեզ հասել են միջնադարյան վանքերից ու գերեզմանոցներից։

Ներկայացվող խաչքարը գտնվում է Հաղպատի Կաթողիկե ՍԲ Նշան եկեղեցու արևելյան կողմում՝ Մեծ գավիթ-ժամատան ներսում։ Այն ունի 1 մետր լայնություն և 2 մետր բարձրություն, թվագրվում է 11-րդ դարով։ Քարի արևմտյան երեսի վրա տեղավորված է բուսական նախշերով զարդարված, եռաստիճան պատվանդանի վրա կանգնեցված կենտրոնական խաչը։ Այն շրջապատված է կամարաձև նախշերով։

Խաչքարը հանդիսանում է հայկական խաչքարային մշակույթի 11-րդ դարի լավագույն նմուշներից մեկը։ Վանքի տարածքում կարելի է տեսնել նույնատիպ տասնյակ խաչքարեր։

Խաչքարագործությունը Հայաստանում շարունակվում է մինչ օրս։ Խաչքարի կրկնօրինակը պատրաստել է վարպետ՝ Տիգրան Բագամյանը։

Վարչապետ Փաշինյանի այցի շրջանակում Հաագայում՝ Խաղաղության պալատում, բացվել է հայկական խաչքար

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր