Հայաստանի դեսպանը հանդիպեց Նիդերլանդների ԱԳՆ գլխավոր քարտուղարին

09 հունվարի, 2019

Հունվարի 9-ին Հաագայում Հայայաստանի դեսպան Տիգրան Բալայանը հանդիպում ունեցավ Նիդերլանդների արտգործնախարարության գլխավոր քարտուղար դեսպան Յոկա Բրանդի հետ։

Շնորհակալություն հայտնելով ընդունելության համար դեսպան Բալայանը բարձր գնահատեց Հաագա իր ժամանումից ի վեր արտգործանախարության տաբեր ստորաբաժումների կողմից ցուցաբերած աջակցությունը, ինչը վկայում է ՀՀ դեսպանության և ՆԹ ԱԳՆ միջև հաստատավծ օրինակելի գործընկերային հարաբերությունների մասին։

Տիգրան Բալայանը Յոկա Բրանդին ներկայացրեց Հայաստանի արտգործանախարարությունում կառուցվածքային բարեփոխումների ծրագրերը և հայցեց Նիդերլանդների ԱԳՆ խորհրդատավական աջակցությունը այդ աշխատանքներում։

Զրուցակիցներն անդրադարձան Հայաստանի և Նիդերլանդների միջև փոխգործակցության սերտացման, տարբեր ուղղություններով խորհրդատվությունների անցկացման, իրավապայմանագրային դաշտի ընդլայնմանն առնչվող հարցերի։

Հանդիպմանը մտքեր փոխանակվեցին Նիդերլանդների ԱԳՆ կողմից ֆինանսավորվող զարգացման ծրագրերում Հայաստանի ներգրավվածության ընդլայնման հնարավորությունների շուրջ։ Այս համատեքստում դեսպան Բալայանը երախտագիտություն հայտնեց տասնամյակներ շարունակ Քլինգենդայլի միջազգային հարաբերությունների ինստիտուտում վերապատրաստման ծրագիրը իրագործելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր